TLDR: Uzoq ikkilanishlardan so’ng video darsliklarni to’htatishga qaror qildim.

Nega? Youtube sahifamning statistikasini davomli ko’rib turaman. Maqsad “content”ning auditoriyaga qanchalik to’gri kelishini nazorat qilish, agar uncha to’gri kelmasa u mavzudagi “content”ni to’htatish. Bazi mavzular (ko’pincha “basic/fundamental concept”lar) yaxshi ko’riladi, yaxshidan murod videoning taxminan 30-40 foizi korilganlari. Lekin afsuski juda ko’p mavzularda buning aksini kuzatdim. 1 soatlik videolarda o’rtacha ko’rish muddati 5 minut. 1 soat balki juda ko’pdir degan fikrga borib 30 minut atrofida bo’lganlarini ham ko’rdim, 5 minut 3 minutga tushdi. 3 minutlik video balki to’liqroq ko'rilgandir desa ular ham bor-yo’g’i 1 minut ko’rilgan. Lekin qiziq tomoni shundaki, darslarga ham youtubeda ham telegram kanalda ijobiy emojilar bor. Shu ijobiy emojilarni qo’ygan azolar hisobidan ham ko’rdim, shundayam 50 foiz “view duration” chiqmadi, demak ijobiy “feedback” bergan kanal azolarining ham katta qismi video to’liq ham ko’rishmaydi. Bu holatning sabablarini qidirishga harakat qilib ko’rdim:

• To’g’ri mavzuning tanlanmasligi. Bu birinchi hayolga kelishi mumkin va ehtimoli eng katta bo’lgan sabab, lekin afsuski o’sha mavzular boyicha savollarni ReactJS guruhida qayta qayta so’ralganini kuzataman. Qolaversa, ko’p mavzular kanal azolari tomonidan DM qilib so'ralgan mavzular.
• Mavzuning tushunarsiz yoritilishi. Bunday bo’lmasligi uchun qo’limdan kelgan imkoniyatimni sarf qilishga harakat qildim lekin bu holatga o’zim tomondan baho berolmayman va tuzatish kirita olmayman. Xulosani siz aziz kanal azolarimizga qoldirdim.
• Auditoriyaning o’rganishga istaklari yo’qligi. Bunday bo’lishi mumkin emas deb o’ylayman, ishonchim komilki bu sohaga kirgan har qanday inson shu yo’nalishni sevib kirgan (bazilar balki yuqori daromad sababli kirgan bo’lishi mumkin, lekin bu masalaning mohiyatini o’zgartirmaydi, daromad uchun kirgan odam osha daromad uchun ham o’rganish istagida bo’lishi kerak).
• Auditoriyaning o’rganish istagi bor ku lekin rag’bati yo’qligi. Rag’bat deb bir ishga qanchalik bel bog’lashga aytiladi, yani or’ganishga istak bor lekin bunga yetarlicha vaqt ajratmaydi, sabr qilolmaydi. Yetarlicha vaqt ajratmaslikning sababi vaqtning yetishmasligi deb oylamayman, chunki ko’pchilik sotsial tarmoqlarga kuniga sarflagan soatlarini hisoblasa bunga amin bo’ladi.

Yuqorida keltirilganlarning qaysi biri vaziyatning asl sababi bo’lmasin shaxsan meni bu ishni to’htatish kerak degan xulosaga olib kelyapti. Agar qarorim bazilarning kayfiyatini tushirgan bo’lsa hammalaridan alohida uzr so’rayman! Ustimdagi haqqingizga rozi bo’linglar! Va meni to’g’ri tushunasizlar deb umid qilaman.

PS: sohaga yangi kelganlar va tajribasi hali kam bo’lgan azolarimizga maslahatim, hech kim hech narsani osonlik bilan o'rganib olmagan, bunga amin bo'lishingiz mumkin (shaxsiy tajribamdan), bir mavzuni yaxshi tushunmasangiz o'ylamang ki buni boshqalar oson tushunib o'rganib ketgan. "Meniki emas ekan" deb ketishga shoshilmang, chunki bu imkoniyat qo'lingizda doim bo'ladi. Rag'bat qiling, takror harakat qiling. Darhaqiqat “Kim ilm yo'lini tutsa, Alloh uni jannat yo'liga yo'llab qo'yadi. Albatta farishtalar ilm talabidagi kishiga rozi bo'lgan hollarida qanotlarini yozib turadilar”.